Hera e parë në Bashkimin Europian: Italia bllokon eksportin e 250 mijë vaksinave COVID-19 në Australi
Italia ka bllokuar një dërgesë të vaksinave të koronavirusit që shkon në Australi – hera e parë që është përdorur një mekanizëm i ri i kontrollit të eksportit të BE-së. Qeveria e Mario Draghi, kryeministri i sapoemëruar i Italisë, kërkoi nga Brukseli që eksporti të bllokohej të Premten e kaluar.
Komisioni Europian tani ka dhënë miratimin e tij për kërkesën, sipas një burimi të BE. Dërgesa përmbante më shumë se 250,000 doza, njoftoi agjencia italiane e lajmeve ANSA.
Brukseli prezantoi mekanizmin e kontrollit të eksportit në janar mes një grindjeje me AstraZeneca pasi firma farmaceutike tha se do të jepte më pak doza në BE sesa ishte planifikuar. Ideja ishte që të ndalohen vaksinat e bëra në BE nga dalja nga blloku nëse është e nevojshme.
Mes kritikave ndaj mekanizmit, Brukseli këmbënguli se ai – para kërkesës së Italisë – miratoi të gjitha kërkesat për eksport. Shumë vende të botës, si Kanadaja, Japonia dhe Australia, varen nga BE për të siguruar vaksina për qytetarët e tyre. Që nga marrja e detyrës, Draghi ka shprehur shqetësimin e tij rreth shpërndarjes së ngadaltë të vaksinave.
Organizata Botërore e Shëndetësisë ka paralajmëruar për muaj me radhë kundër kërcënimit të nacionalizmit të vaksinave, duke thënë se “askush nuk është i sigurt derisa të gjithë të jenë të sigurt”. Sidoqoftë, mungesa globale e vaksinave ka bërë që vendet të miratojnë masa të jashtëzakonshme për të garantuar që qytetarët e tyre të inokulohen më parë.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.