“Hipokrizia e bankave gjigande” – Kanë investuar më shumë dollarë në energjitë fosile pas Marrëveshjes Klimaterike të Parisit
Bankat kryesore në të gjithë botën janë ende duke financuar kompani të karburanteve fosile me një shumë prej triliona dollarësh.
Një raport i ri, i botuar nga një koleksion i organizatave klimatike dhe i titulluar Bankat dhe Kaosi Klimatik 2021, zbulon se 60 nga bankat më të mëdha tregtare dhe të investimeve në botë kanë vendosur së bashku 3.8 trilionë dollarë në karburante fosile nga 2016 në 2020, pasi Marrëveshja e Parisit ishte nënshkruar.
Në bazë vjetore, financimi total i karburanteve fosile ra 9% në vitin 2020. Por raporti ia atribuon këtë kufizimeve të kërkesës të lidhura me Covid-19.
Raporti gjithashtu zbuloi se “financimi i karburanteve fosile … nga 60 bankat më të mëdha tregtare dhe të investimeve në botë ishte më i lartë në vitin 2020 sesa ishte në vitin 2016”, viti i parë i plotë i Marrëveshjes Klimaterike të Parisit.
Vlen të përmendet se Presidenti Donald Trump u tërhoq nga marrëveshja ndërkombëtare në 2017. Presidenti Joe Biden u bashkua përsëri me Marrëveshjen e Parisit në ditën e tij të parë në detyrë.
Tre bankat që bënë financimin më të madh të karburanteve fosile në vitin 2020, sipas raportit, ishin JPMorgan Chase me 51.3 miliardë dollarë; Citi me 48.4 miliardë dollarë; dhe Banka e Amerikës me 42.1 miliardë dollarë.
D.B – SCAN
Burimi: CNBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.