Hiqet taksimi i dyfishtë me Arabinë, Rama: Janë nënshkruar disa marrëveshje të rëndësishme
Një delegacion shqiptar, i kryesuar nga kryeministri Edi Rama, po zhvillon një vizitë zyrtare në Arabinë Saudite, ku është takuar me mbretit bin Salman dhe me anëtarët e tjerë të qeverisë.
Sipas njoftimit të kryeministrit Rama në Facebook, pas një dreke pune janë nënshkruar disa marrëveshje të rëndësishme bashkëpunimi.
Ndërkohë, sipas njoftimit të Ministrisë së Financave dhe Ekonomisë, ministrja Denaj ka nënshkruar një marrëveshje me homologun e saj saudit, për eliminimin e taksimit të dyfishtë, çka nënkupton më shumë bashkëpunim mes komunitetit të biznesit dhe nxitjes së investimeve të huaja.
Kjo marrëveshje pritet të rrisë bashkëpunimin mes dy vendeve në fusha të ndryshme të ekonomisë, si dhe rritjen e shkëmbimeve tregtare.
Qeveria shqiptare zbaton marrëveshjet e eliminimit të taksimit të dyfishtë edhe me 41 vende të tjera.
Në praninë e kryeministrit Rama dhe mbretit Salman bin Abdulaziz Al Saudi, u nënshkruan edhe disa marrëveshje të tjera mes dy vendeve.
Lidion Kulla/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.