Historia e panjohur e godinës boshe më të lartë në botë! Rekordi i “Ryugyong Hotel” me 3 mijë dhoma e 105 kate
Në vitin 1987, Kim il Sung, gjyshi i diktatorit aktual Kim Jong-un, vendosi të ndërtojë hotelin më të lartë në botë. Motivi? Për të kaluar atë që Korea e Jugut do të ndërtonte për olimpiadat e vitit 1988.
Me rastin e festivalit botëror të rinisë në 1989, në Pyongyang lindi Ryugyong Hotel. I lartë 330 metra, me 3 mijë dhoma dhe 5 restorante e më 105 kate. Punimet zgjatën dhe u komplikuan dhe në vitin 1992 ngecën. Kështu godina gjigande në formën e piramidës mbeti bosh.
Për vite me radhë kjo godinë u fshi nga hartat lokale. Në 2008, Kim Jong Il, babai i Kim Yong Un nënshkroi një kontratë me vlerë rreth 150 milionë euro për të përfunduar punimet e fasadës së hotelit. Punimet u mbyllën në vitin 2011 por godina ka mbetur gjithsesi bosh.
Në 2018, diktatori aktual i Koresë së Veriut instaloi një impiant gjigand me drita të kuqe. Ryugyong Hotel është bërë një atraksion nate me spektakle drite. Jo në të gjitha ditët por në raste të veçanta e mbi të gjitha duke i alternuar imazhet me slogane propagande të Kim Jong-un.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.