Historia frymëzuese e vajzës më të re në botë që ka udhëtuar në çdo vend të globit me kursimet e saja

Lexie Alford ishte 21 vjeç kur kishte arritur çdo cep të globit. Tani vetëm 22 vjeç, ajo përdor platformat dhe personazhin e saj në internet – si ‘Lexie Limitless’ – për të frymëzuar udhëtarët aspirant që lulëzojnë përmes Instagram, YouTube dhe faqes së saj të internetit.

Pikërisht në kohën e duhur për Ditën Ndërkombëtare të Gruas, Lexie dha intervistën e saj frymëzuese për Euronews për të festuar titullin e saj si personi më i ri që arriti çdo vend të botës. Me origjinë nga Kalifornia e Veriut – të cilën ajo e përshkruan në bisedën tonë si “më të ndryshmet nga shtetet amerikane, nuk ka ku të preferoja të isha”, ajo aktualisht banon me kohë të plotë në Los Angeles me diell.

Është çmenduri, shprehet ajo, unë kam qenë në Karnavalet e Brazilit një ditë para rastit të parë të regjistruar atje (në fillim të Marsit). Kështu që u ktheva në SHBA dhe aty u vendosëm menjëherë në një bllokim të plotë. “Por po, gjatë bllokimit kam arritur të udhëtoj për punë. Shkova në Turqi për të bërë një udhëtim dy javor rrugor për YouTube-in tim, dhe një tjetër udhëtim dy javor rrugor në Irak-Kurdistan.”

Por një nga ëndrrat e mia më të mëdha, që kur isha 12 vjeç, ishte të provoja të jetoja për një vit të jetës sime pa shkollë dhe pa punë. Kështu që kurseva, një shumë të çmendur, për të realizuar këtë vit “bosh” dhe të shëtisja botën.

Lexie thekson se projekti i saj ishte tërësisht i vetë-financuar dhe se kishte filluar të punonte në një moshë vërtet të re edhe për agjencinë e udhëtimeve të mamasë së saj. “Isha me të vërtetë me fat sepse jo vetëm që fitoja para, por po mësoja aq shumë për udhëtimet – posaçërisht se si mund i bëja ato me një buxhet më të vogël.”

“Arrita t’i shtrij ato kursime për një vit e gjysmë dhe gjatë asaj kohe unë mora aparatin tim, fillova të bëj blogje dhe mësova rreth mediave sociale. Po filloja të takoja njerëz nga industria dhe të ndërtoja një rrjet. Unë ngadalë fillova të marr më shumë një bazë klientësh për të cilën po shkruaj përmbajtje dhe kjo është në të vërtetë ajo që nisi biznesin tim që drejtoj sot”, thotë Lexie.

Lexie këshillon të rinjtë që duan të realizojnë një ëndërr të ngjashme më të sajën se është e rëndësishme të kihet parasysh se kur jeni duke u ngjitur në një mal vërtet të madh, nëse shikoni drejt majës do të dekurajoheni dhe mbingarkoheni por nëse thjesht bëni një hap në një herë, është shumë më lehtë të shkosh në krye.

“Një këshillë që më është dhënë dhe e kam marrë me vete prej vitesh është që të mos marr kurrë Jo si përgjigje. Kushdo që dyshon në idetë tuaja, i cili nuk dëshiron që diçka të funksionojë në favorin tuaj, duhet refuzuar. Varet nga ju që të insistoni dhe luftoni për atë që vërtet dëshironi.” (EN)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.