Holanda kthen mbrapsht mbi 600 mijë maska mbrojtëse difektoze të dërguara nga Kina!
Holanda ka kthyer mbrapsht qindra mijëra maska për mbrojten e fytyrës të importuara nga Kina pasi rezultuan të dëmtuara, njoftoi Ministria e Shëndetësisë holandeze.
Autoritetet Holandeze morën 1.3 milion maska për fytyrën nga Kina në 21 Mars dhe shpërndanë disa prej tyre tek ofruesit e kujdesit shëndetësor që luftojnë kundër përhapjes së pandemisë vdekjeprurëse COVID-19.
Por ministria e shëndetësisë “mori një sinjal se, pas inspektimit, cilësia e kësaj dërgesë nuk i plotësonte standardet e kërkuara”, tha ajo në një deklaratë dërguar Euronews. “Një test i dytë gjithashtu vërtetoi që maska për fytyrën nuk i plotësonte standardet e kërkuara të cilësisë. Tani është vendosur të ndalohet përdorimi i gjithë kësaj dërgesë.
Maska kishte një vërtetim KN95 që tregon se ato duhet të filtrojnë mbi 95% të grimcave. Sipas transmetuesit shtetëror NOS, tërheqja ka të bëjë me 600,000 maska. Ministria ka siguruar që “dërgesat e reja do të marrin një test shtesë standarde”.
Holanda deri më tani ka raportuar 9.800 raste të konfirmuara të koronavirusit dhe 632 vdekje. (Euronews)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.