Hong Kong, protesta për Vitin e Ri! Skedulohen gjatë mbrëmjes. 2020 do të nisë me një marshim gjigant
Hong Kongu do ta mbyllë 2019-n me disa protesta që janë planifikuar për mbrëmjen e Vitit të Ri, që synojnë ndërprerjen e festave dhe pazarit në qendrën financiare aziatike. Shumë evente janë skeduluar për mbrëmjen e Vitit të Ri në të gjithë qytetin, përfshirë në qendra të mëdha tregtare. Sipas Frontit të të Drejtave Civile të Njeriut, do të zhvillohet një marshim tjetër më datë 1 Janar, që ka marrë edhe lejen e policisë. Fronti ka organizuar më parë marshimin me mbi 1 milionë persona në muajin Qershor dhe ka mbajtur mbledhje ne fundit në Dhjetor, ku rreth 800,000 persona morën pjesë. Protestat e planifikuara së fundmi erdhën pas përplasjeve të dhunshme që prej mbrëmjes së Krishtlindjeve.
Ndërkohë që protestat, që kanë zgjatur për 7 muaj, janë ngadalësuar së fundmi në përmasë, frekuenca e tyre vazhdon të jetë e njejtë, më marshime që ndodhin thuajse çdo ditë në ish-koloninë britanike. Protestat janë kthyer në një thirrje për demokraci që prej Qershorit, në kundërpërgjigje të ligjit të ekstradimit drejt kinës. Protestat kanë goditur rëndë ekonominë e Hong Kongut, që ndodhet nën efektin e luftës tregtare mes Kinës dhe Shteteve të Bashkuara si dhe ngadalësimit ekonomik botëror.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.