Hoteli i veçantë në Londër- Ndërtesa “e zhytur” në djathë

Tanimë, të gjithë adhuruesit e djathit do të kenë një vend ku të bëjnë realitet “fantazitë” e tyre ushqimore, pasi në Londër po hapet “hoteli i djathit”.

Zinxhiri i Café Rouge ka njoftuar se do të hapë për herë të parë në lagjen Camden të Londrës, suita totalisht me dizajn djathi. Dhomat do të jenë në çdo cep me element djathi, përfshirë këtu muret, divanet, krevatin, jastikët, komodinën, etj.

Nga ana tjetër, sapun djathi dhe instalime gjigande të të gjitha llojërave të djathit. Po ashtu, sipas Business Insider, djathi do të shërbehet në të gjitha format e tij, djathë i shkrirë, në supë djathi, në minibar sëbashku me verën, apo edhe si element lojërash.

Suitat nuk janë ende të rezervueshme, por të gjithë adhuruesit e djathit nga e gjithë bota, mund të “provojnë fatin” për të aplikuar për një natë falas mes 29 janarit dhe 6 shkurtit. /businessinsider/

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.