HSBC, 10,000 shkurtime – Banka më e madhe në Europë, përballë mjedisit sfidues
Banka më e madhe në Europë, HSBC, po planifikon të shkurtojë 10,000 vende pune, apo 4% të fuqisë punëtore, ndërkohë që ekzekutivi Noel Quinn po përpiqet të shkurtojë kostot.
Banka kishte 237,685 punëtorë me kohë të plotë në fund të Qershorit 2019. HSBC mund të lajmërojë nisjen e periudhës së shkurtimit të kostove dhe vendeve të punës, kur të raportojë rezultatet e tremujori të tretë, sipas të përditshmes britanike, Financial Times.
Quinn u bë ekzekutivi i përkohshëm i bankës pasi institucioni lajmëroi largimin e John Flint, duke thënë se duhet ndryshim në drejtim përballë një mjedisi sfidues botëror.
Më herët gjatë vitit, HSBC lajmëroi se do të shkurtojë 4,000 vende pune këtë vit, pasi publikoi një perspektivë të zymtë si pasojë e luftës tregtare, ciklit lehtësues monetar në të gjithë botën, trazirat në tregun bazë në Hong Kong dhe Brexit.
Sipas analistëve, shkurtimet në masë mund të reflektojnë rënien e të ardhurave në Europë, por protestat në Hong Kong mund të sjellin sfida gjitahshtu në të ardhmen.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.