Huatë me probleme nuk ndryshojnë as në gusht – Pandemia nuk ka prekur aftësinë paguese të individëve dhe bizneseve
Të dhënat më të fundit të Bankës së Shqipërisë sa i përket treguesve kryesorë të shëndetit financiar, tregojnë se norma e kredive me problem në raport me totalin e kredive ka mbetur e pandryshuar edhe gjatë Gushtit, pranë normës së 8.1%, ç`ka është sinjali i radhës se pandemia nuk ka pasur ndikim në një prej indikatorëve më të rëndësishëm të shëndetit bankar.
Që prej dhjetorit të vitit të kaluar norma ka mbetur pranë 8%. Mos ndikimi i krizës së shkaktuar nga tërmeti dhe sidomos asaj të shkaktuar nga pandemia në shëndetin bankar, janë një sinjal mjaft pozitiv jo vetëm për këto të fundit, por sidomos për financat personale. Pavarësisht ndikimit të madh të masave bllokuese në të ardhurat personale të familjeve, sidomos me rritjen e ndjeshme të papunësisë, por edhe me goditjen e madhe që ka marrë biznesi, aftësia paguese e individëve dhe bizneseve duket të mos jetë ndikuar.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.