Huawei: Kina i quan akuzat amerikane “imorale” ndërsa tregjet rrëshqasin
Një nga zëdhënësit e industrisë së Kinës dhe ministrisë së teknologjisë së informacionit tha ditën e sotme se padia e ngritur mes qeverisë së SHBA kundër Huawei është cilësuar si “e padrejtë” dhe “imorale”, sipas Reuters.
Një ditë më parë, Departamenti i Drejtësisë së SHBA –së ka ngritur akuza penale kundër Meng Wanzhou, e cila është zyrtarja kryesore financiare e gjigantit teknologjik së Huawei në Kinë si dhe vajza e themeluesit të saj dhe presidentit Ren Zhengfei. Ushtruesi i detyrës së Prokurorit të Përgjithshëm, Matthew Whitaker konfirmoi gjatë një konference shtypi se Departamenti i Drejtësisë po kërkon ekstradimin e Meng Wanzhou nga Kanadaja.
Departamenti i Drejtësisë gjithashtu njoftoi ditën e hënë se akuzat e ngritura kundër Huawei ishin se gjoja kishin vjedhur sekretet tregtare nga T-Mobile. Akuzat rrjedhin nga një padi e sekreteve të tregtisë civile të paraqitur nga T-Mobile në vitin 2014 mbi një robot të quajtur “Tappy”, i cili u përdor për testimin e smartfonëve.
Avokati i Meng, Reid Weingarten, tha se klienti i tij nuk duhet të përdoret si “peng ” në marrëdhënien midis SHBA-Kinë, sipas Reuters. Ministria e jashtme e Kinës, nga ana e saj, shprehu shqetësimet e saj lidhur me akuzat dhe më pas i karakterizoi veprimet si pjesë e një komploti të SHBA –së për të shkelur suksesin e firmave kineze.
Pas arrestimit të zonjës Meng, kompania kërkoi një mundësi për të diskutuar hetimin e Distriktit Lindor të Nju Jorkut me Departamentin e Drejtësisë, por kërkesa u refuzua pa dhënë ndonjë shpjegim të qartë.
Kompania mohon se ai ose filiali i tij kanë kryer ndonjë nga shkeljet e pohuara të ligjit amerikan të paraqitura në secilën prej aktakuzave, nuk është i vetëdijshëm për asnjë keqbërje nga znj. Meng dhe beson se gjykatat amerikane në fund do të arrijnë të njëjtin përfundim .
Lajmi nxiti një rrëshqitje nëpër tregjet aziatike të aksioneve, mes frikës se rasti i Huawei mund të dëmtonte perspektivat për një marrëveshje të shumëpritur të tregtisë midis Kinës dhe SHBA. Departamenti i drejtësisë tha se Huawei kishte bazuar zgjerimin e saj global në “gënjeshtra dhe mashtrime”.
Ajo akuzoi firmën dhe drejtuesit e saj për vjedhjen e sekreteve tregtare, pastrimin e parave, pengimin e drejtësisë dhe mashtrimin e bankave për të shmangur sanksionet amerikane. Meng është aktualisht nën arrest shtëpiak dhe departamenti i drejtësisë së SHBA –së ka afat deri më 30 janar të paraqesë një kërkesë formale për ekstradim.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.