Hulumtuesit që studiojnë ndikimin e Facebook në demokraci ‘dështojnë’ me projektin
Një grup filantropësh që punojnë me Facebook Inc për të studiuar ndikimin e rrjetit social mbi demokracinë thanë se do të hiqnin dorë nga projekti pasi kompania kishte dështuar të vendosë të dhënat në dispozicion të studiuesve ashtu si u zotua.
Financuesit thanë në një deklaratë se Facebook u kishte dhënë 83 studiuesve të përzgjedhur për projektin hyrje në “vetëm një pjesë të asaj që u thuhej se mund të prisnin”, gjë që e bëri të pamundur për disa të kryejnë studimet e tyre.
Ata i kanë dhënë Facebook kohë deri në 30 shtator për të siguruar të dhënat.
Shqetësimet e tyre përqendrohen në mungesën e të dhënave që do të tregojnë se cilat faqe në internet janë ndarë në Facebook që prej vitit 2017.
Projekti është i pari i këtij lloji por Facebook përsëri në një deklaratë u zotua se do të vazhdojë të sigurojë qasje në të dhëna dhe mjete për të gjithë hulumtuesit.
“Shpresojmë që Facebook do të gjejë një mënyrë për të siguruar të dhëna thellësisht të forta të mbrojtura nga privatësia,” thanë studiuesit, pasi “analiza e pavarur studimore e platformave të mediave sociale është thelbësore” për të kuptuar zgjedhjet dhe demokracinë në të gjithë botën.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.