Hyjnë në fuqi tarifat e reja gjyqësore – Risia, deri 15 mijë lekë gjobë subjektet që zvarrisin gjyqet pa shkaqe të arsyeshme
Në përfundim të vitit që sapo lamë pas, KLGJ ka miratuar tarifat e reja gjyqësore. Janë publikuar tashmë në faqen zyrtare të Këshillit të Lartë Gjyqësor llojet dhe vlerat e tarifave të reja si dhe afatet e pagesave e mbledhjes së tyre. Risia kryesore e procedurave të reja ka të bëjë me faktin se palët do të ndëshkohen me gjoba të kripura në rast se bëhen shkak për zvarritjen e gjykimeve.
Vonesa në gjykimin e çështjes, shkaktuar pa shkaqe të arsyeshme në gjykatat e shkallëve të para të gjykimit do të penalizohen me 5,000 lekë, në Gjykatat e Apelit me 10 mijë lekë, ndërsa në Gjykatën e Lartë me 15 mijë lekë.
Kërkesa për përjashtim gjyqtari/trupi gjykues në shkallët e para të gjykimit do shoqërohet me tarifën prej 1500 lekësh, ndërsa kërkesa për përjashtim gjyqtari/trupi gjykues Gjykata e Apelit/Gjykata e Lartë 2,500 lekë.
Kërkesë Padisë me object marrëdhënie pune do tarifohen me 1,000 lekë, ashtu si dhe Sigurimi i padisë, Ndryshimi dhe zëvendësimi i sigurimit të padisë apo dhe Rivendosje në afat.
Për Kërkesë-Paditë/ Administrative dhe Civile me vlerë të papërcaktuar tarifa është 1,500 lekë.
Kërkesë-Paditë sipas Kodit të Familjes kanë shënuar përgjysmim të tarifës, në 1,500 lekë nga 3,000 lekë.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.