Hyn në fuqi Akti Normativ/ Spitalet dhe klinikat private vihen në funksion të “luftës” me COVID me detyrim. Moszbatimi i urdhërit, gjobë 5 mln lekë
Në varësi të dinamikës së spitalizimit të të prekurve nga Covid-19, me urdhër të ministrit përgjegjës për shëndetësinë, vendosen në dispozicion edhe strukturat private spitalore, ambulatore, hoteliere, autoambulancat dhe personeli përkatës, shëndetësor e mbështetës.
“Moszbatimi i këtij urdhëri dënohet me gjobë në masën 5 000 000 (5 milionë) lekë. në rast mosbindjeje pas vendosjes së gjobës, struktura përkatëse vendoset forcërisht në dispozicion të shërbimit publik shëndetësor dhe personeli përkatës është i detyruar të shërbejë nën drejtimin shtetëror të strukturës gjatë gjithë kohëzgjatjes së infeksionit” njofton kryeministri Edi Rama, ndërsa bën me dije hyrjen në fuqi të aktit normativ që ka forcën e ligjit deri në fund të kapërcimit të situatës së krijuar nga Covid-19.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.