Hyn në fuqi fjalori i përbashkët i prokurimit – APP: Sistem unik klasifikimi për nomenklaturat e mallrave, shërbimeve dhe punëve
Këshilli i Ministrave ka miratuar fjalorin e përbashkët të prokurimit, që është një sistem unik klasifikues i nomenklaturave të mallrave, shërbimeve dhe punëve, që aplikohet në procedurat për prokurimet publike.
Vendimi tashmë është publikuar në Fletoren Zyrtare dhe ka hyrë në fuqi, ndërkohë që përmes një njoftimi, Agjencia e Prokurimit Publik iu kërkon të gjithë autoriteteve dhe entet kontraktore, që do të ndërmarrin procedura prokurimi, të respektojnë parashikimet e këtij vendimi, duke përzgjedhur në Sistemin e Prokurimit Elektronik kodet përkatës korrespondues për objektin konkret mall, punë apo shërbim, që do të prokurohet.
Sipas APP-së, ky sistem unik i klasifikimit siguron njëtrajtshmëri me nomenklaturat ekzistuese për mallra, shërbime dhe punë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.