Hyn në fuqi vendimi i qeverisë – Zyrtarisht nga sot paga minimale, 24 mijë lekë!
Hyn në fuqi vendimi për pagën minimale në shkallë vendi, pas botimit të sotëm në Fletoren Zyrtare.
Këtë të mërkurë qeveria miratoi pagën bazë minimale, mujore, për punonjësit, në shkallë vendi, që është e detyrueshme të zbatohet nga çdo person juridik a fizik, vendas ose i huaj, dhe do të jetë 24 000 lekë.
Gjithashtu në vendim e miratuar së fundmi thuhet se paga bazë minimale mujore jepet për 174 orë pune në muaj, të kryera gjatë kohës normale të punës.
“Paga bazë minimale, mujore, për punonjësit, në shkallë vendi, që është e detyrueshme të zbatohet nga çdo person juridik a fizik, vendas ose i huaj, të jetë 24 000 (njëzet e katër mijë) lekë. Paga bazë minimale mujore jepet për 174 orë pune në muaj, të kryera gjatë kohës normale të punës. Paga bazë minimale, orare, të jetë 138 (njëqind e tridhjetë e tetë) lekë. Shtesat me karakter të përhershëm jepen mbi pagën bazë. Vendimi nr.573, datë 3.7.2013, i Këshillit të Ministrave, “Për përcaktimin e pagës minimale në shkallë vendi”, shfuqizohet”, thuhet në vendim e miratuar nga qeveria së fundmi.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.