Hyrjet e shtetasve shkurt 2018-Polonia me rritje, Maqedonia me uljen më të madhe!
Numri i shtetasve shqiptarë dhe të huaj të hyrë në territorin shqiptar, në muajin Shkurt 2018 është 493.564, krahasuar me Shkurt 2017, ky tregues rezulton me rritje 6,3 %. Numri i shtetasve të huaj të hyrë në vend është 190.531, krahasuar me Shkurt 2017, ky numër është rritur me 2,6 %.
Referuar INSTAT, numri i shtetasve të huaj të hyrë në vendin tonë në dymujorin e parë 2018 është 422.869, duke u rritur 18,0 %, në krahasim me të njëjtën periudhë të vitit 2017. Në Shkurt 2018, ndër vendet që kanë hyrjet më të larta të shtetasve në Shqipëri, Polonia ka pasur rritjen më të madhe me 19,2 %, ndërsa uljen më të madhe e ka pasur Maqedonia me 14,3 %.
Në dymujorin e parë 2018, ndër vendet që kanë hyrjet më të larta të shtetasve në Shqipëri, Polonia ka pasur rritjen më të madhe me 23,3 % . Hyrjet e shtetasve shqiptarë dhe të huaj në muajin Shkurt 2018, në rrugë tokësore zënë peshën më të madhe të hyrjeve gjithsej me 80,3 %, ndërsa hyrjet në rrugë ajrore zënë 15,7% dhe detare zënë 4,0 %
Shtetasit shqiptarë dhe të huaj të dalë nga vendi, gjatë muajit Shkurt 2018, janë 494.945 duke shënuar një rritje me 2,8 %, krahasuar me të njëjtën periudhë të një viti më parë. Numri i shtetasve shqiptarë të dalë nga territori i Shqipërisë, gjatë muajit Shkurt 2018, është 299.489. Krahasuar me Shkurt 2017, ky numër është rritur 0,7 %.
Numri i shtetasve të huaj të dalë nga territori i Shqipërisë, gjatë muajit Shkurt 2018, është 195.456. Krahasuar me Shkurt 2017, ky numër është rritur 6,0 %. Numri i shtetasve shqiptarë të dalë nga territori i vendit tonë në dymujorin e parë 2018, është 1.221.408, duke u rritur 17,5 %, krahasuar me të njëjtën periudhë të një viti më parë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.