IEA: Izolimi i shtëpisë tuaj është një mënyrë tjetër për të vepruar në luftën e Rusisë. 5 mënyra se si të veproni!
“Efikasiteti” është një term i përdorur aq shpesh sa është bërë jo interesant. Por ruajtja e energjisë mund të jetë pikërisht ajo që na nevojitet për të përballuar koston në rritje të ngrohjes së shtëpive, zyrave dhe hapësirave tona publike. Me pak fjalë, “efikasiteti i energjisë” thjesht do të thotë të përdorësh më pak energji për të arritur të njëjtin rezultat.
Të kuptuarit se kursimi i energjisë është i barabartë me krijimin e saj, është një nga shumë ndryshime të vogla por thelbësore të mendësisë që nevojiten krahas burimeve të rinovueshme, për të na nxjerrë nga kriza e energjisë. Izolimi është një formë e rëndësishme dhe e prekshme e efikasitetit të energjisë. Rrotullat e materialit të vendosur në papafingo ose izolimi i zgavrës midis mureve të brendshme mbajnë ngrohtësinë brenda.
Bazuar në rekomandimet e IEA, këtu janë disa nga mënyrat se si mund ta sistemoni si duhet shtëpinë tuaj:
- Instaloni një termostat. Shumë familje po marrin kontrolle inteligjente të ngrohjes për të reduktuar faturat e energjisë dhe për të përmirësuar komoditetin e shtëpisë, dhe është një proces i thjeshtë për t’u vendosur nëse nuk e keni bërë tashmë. Sipas IEA, trefishimi i shkallës aktuale prej rreth një milion shtëpish në vit do të reduktonte kërkesën për ngrohje të shtëpive me 200 mcm shtesë në vit, duke kursyer 1 miliard euro në total.
- Vendoseni bojlerin tuaj të ujit të ngrohtë në jo më të lartë se 60 gradë C. Inxhinieri juaj duhet të jetë në gjendje të këshillojë për vendosjen e efikasitetit optimal të tij gjatë një kontrolli vjetor të mirëmbajtjes.
- Dritaret tuaja me xham të dyfishtë. Kostoja mund të jetë e lartë, por kursimet do të kthehen tek ju; Trusti i Kursimit të Energjisë vlerëson se dritaret me dy xhama të vlerësuar me A++ mund t’ju kursejnë deri në 137 euro në vit dhe 405 kg CO2.
- Kalo te dritat LED kur ato halogjene mbarojnë. Është një gjë e vogël, por ndriçimi përbën 15 për qind të faturës mesatare të energjisë elektrike të një familjeje. Nëse të gjitha 28 milionë shtëpitë në Britani do të kalonin në llamba LED 100 për qind, Trust vlerëson se do të kursenim 1.7 milionë ton CO2 në vit.
- Izoloni, izoloni, izoloni: muret, dyshemetë, çatitë dhe papafingot mund të mbushen të gjitha në mënyrë profesionale për të ndaluar daljen e nxehtësisë.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.