IHD nuk riinvestojnë sa duhet – Studimi i FMN, Shqipëria në fund të Europës
Shqipëria është ndër vendet e fundit në Europë sa i përket nivelit të rinvestimit të fitimeve nga investimet e huaja direkte. Këtë e thotë një studim i publikuar së fundmi nga Fondi Monetar Ndërkombëtar e që merr në analizë vendet e reja anëtare të Bashkimit Europian dhe vendet kandidate për t`iu bashkuar unionit në të ardhmen.
Siç e tregon qartë grafiku, vendi ynë është në fund të listës së investimeve nga IHD gjatë periudhës 2008-2017. Në Europë më keq se ne është vetëm Turqia, Ukraina dhe Rumania, ndërkohë që të gjitha vendet e tjera njohin nivele relativisht më të larta. Norma e investimit nga IHD në vendin tonë gjatë kësaj periudhe fiksohet në pak më shumë se 10%.
Për vende si Estonia apo Çekia ndërkohë, kjo normë i kalon të 70%. Shqipëria rezulton ndërkohë te jetë i vetmi vend ndër ato të analizuara që ka thuajse zero investime nga të ardhurat e IHD gjatë periudhës 2001-2007. Mënyra e trajtimit të kapitalit nga kompanitë e huaja në vend ka qenë gjithmonë çështje debati, pasi një pjesë e madhe e tyre nuk i riinvestojnë fitimet e tyre në vendin tonë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.