Ikja e “Lista Serbe” nga qeveria, kryeministri Haradinaj: S’kam ndërmend të jap dorëheqje!

“Lista Serbe” ka deklaruar daljen nga Qeveria e Kosovës dhe në fillim të muajit të ardhshëm vetëm do të formojë bashkësinë e komunave serbe në Kosovë. “RTK” citon kreun e kësaj partie Goran Rakiq, që thotë se për këtë tashmë është njoftuar presidenti i Serbisë Aleksandar Vuçiç.  Vendimi i Listës Serbe për dalje nga qeveria vjen pas arrestimit të djeshëm të Marko Gjuriç, shef i të ashtuquajturës “Zyrë për Kosovën”, pasi kishte hyrë pa leje në Kosovë.

Dalja nga koalicioni e “Listës Serbe” vë në në pikëpyetje shumicën parlamengtare të qeverisë së Kosovës të drejtuar nga Ramush Haradinaj. Në një dalje për mediat pas mbledhjes së Këhsillit të Sigurisë së Koosvës tha se nuk ka ndërmend të japë dorëheqjen pas këtij veprimi.

“Parlamenti përbëhet nga shumë grupe parlamentare. “Lista Serbe” janë partnerë dhe kemi pasur partneritet të mirëfilltë me ta. Veprimi i djeshëm nuk ka qenë i drejtuar kundër qytetarëve dhe as ministrave e zyrtarëve politike , me përjashtim të atyre që kanë shkelur ligjin. Eshtë i pakuptueshëm largimi nga qeveria sepse është zbatuar ligji. Nuk e kam në plan të jap dorëheqjen. Punën do e vazhdoj seriozisht” tha Haradinaj në daljen për mediat.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.