Ilaçi i GSK, efektiv ndaj Omicron – Të dhënat tregojnë se funksionon ndaj të gjithë mutacioneve të variantit

Prodhuesi britanik i barnave GlaxoSmithKline bëri të ditur se terapia me antitrupa e Covid-19 që ka zhvilluar me partnerin amerikan Vir Biotechnology, është efektive ndaj të gjithë mutacioneve të variantit të ri Omicron të koronavirusit, duke përmendur të dhëna nga fazat e mëparshme të studimeve.

Të dhënat, që nuk janë publikuar ende në një revistë mjekësore ku do rishikohen nga homologët, tregojnë se trajtimi sotrovimab i kompanive, është efektiv kundër të gjithë 37 mutacioneve të identifikuar deri më tani në proteinën gjemb, sipas GSK.  Javën e kaluar, të dhëna të tjera treguan se ilaçi ka funksionuar kundër mutacioneve kryesore të variantit Omicron. Sotrovimab është projektuar që të kapet tek proteina në sipërfaqen e virusit, por Omicron është zbuluar se ka një numër shumë të lartë të mutacioneve tek ajo proteinë.

“Këto të dhëna para-klinike shfaqin potencialin e antirupave monoklonalë kundër variantit të fundit Omicron, plus të gjithë varianteve shqetësues të përcaktuar deri më tani nga OBSH”- tha shefi shkencor i GSK, Hal Barron.  GSK dhe Vir kanë nisur krijimin e të ashtuquajturve pseudoviruse, që përfshijnë mutacionev madhore të koronavirusit në të gjithë variantet dyshuese që kanë dalë deri më tani, si dhe kanë testuar në laborator cenueshmërinë e tyre ndaj trajtimit sotrovimab.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.