ILDKPKI, Zgjeron “rrethin” për pasuritë e fshehta – Formulari i ri, politikanët do deklarojnë edhe të besuarit e familjes dhe personat fizikë e juridikë
Për vitin 2022 do zyrtarët e lartë të administratës do të jenë të detyruar të publikojnë jo vetëm pasuritë e pronat e familjarëve të afërt, por edhe ata që do konsiderohen si persona të besuar të tyre por edhe të familjarëve. Janë publikuar në Fletoren Zyrtare formularët e rinj të deklarimit të pasurisë dhe konfliktit të interesave të nëpunësve të lartë të administratës, ku bi në sy një modul I ri shtesë për ata që cilësohen si persona të besuar. Në kapitullin e formularëve ku deklarohen të dhënat personale, si dhe ato të personave të lidhur, ku përfshihen bashkëshortët, fëmijët apo bashkëjetuesit, është shtuar një modul I cili I dedikohet personave fizikë apo juridikë dhe personave të besuar. Këta të fundit specifikohen në modul si persona të që kanë lidhje me familjarët e politikanëve,
Për këtë kategori personash, zyrtarët do të jenë të detyruar të deklarojnë lidhjen me ata vetë ose me familjarët, llojin e interesave private që ata kanë, si dhe vendndodhjen e tyre.
Ndërkaq të pandryshuara mbeten të dhënat e tjera që duhet të plotësohen në formularët e ILDKPKI, të cilat nisin nga a) pasuritë e paluajtshme dhe të drejtat reale mbi to, sipas Kodit Civil; b) pasuritë e luajtshme, të regjistrueshme në regjistrat publikë, dhe të drejtat reale mbi to, sipas Kodit Civil; c) shpenzimet për shkollim apo sendet me vlerë të veçantë mbi 300 000 lekë; ç) vlerën e aksioneve, të letrave me vlerë dhe pjesët e kapitalit në zotërim; d) vlerën e likuiditeteve, gjendje në Cash jashtë sistemit bankar, në llogari rrjedhëse, në depozitë, në bono thesari dhe në huadhënie, në lekë ose në valutë të huaj.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.