Ilir Meta zgjidhet Presidenti i Ri i Shqipërisë, me 87 vota

Me 87 vota pro, dy kundër, Ilir Meta zgjidhet President i Shqipërisë.

Kandidatura për President e Ilir Metës u propozua nga 23 deputetë, e cila u paraqit me firmat e tyre në Kuvend.

Kryetarja e Komisionit të Ligjeve, Vasilika Hysi, pasi bëri një përmbledhje të biografisë së Ilir Metës, deklaroi se kandidatura plotëson të gjitha kriteret për të qenë President.

Ilir Meta është Presidenti i 7-të i Republikës së Shqipërisë pas rënies së komunizmit. Opozita nuk mori pjesë në votim.

Betimi i Presidentit do të bëhet në seancën plenare të datës 24 korrik.

Eralda Zito/SCAN

Fjalimi i parë pas zgjedhjes si President, Meta:  Të bëjmë çdo gjë për stabilitetin e vendit (Fjala e plotë)

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.