Impakti i covid-19 në ekonominë shqiptare – Raporti i “Seenews”: Shqipëria me një ndër normat më të ulta të ndihmës së qeverisë
“Seenews” ka publikuar një raport të gjerë të impaktit të covid-19 në të 11 vendet e europës juglindore. Në profilin dedikuar Shqipërisë, raporti thotë se, në vitin 2021, ekonomia shqiptare pritet t`i kthehet niveleve të para krizës. Sa i përket impaktit në sektorë të caktuar, ai i turizmit, tregtisë dhe transportit projektohen si më të prekurit nga kriza, në rënie me 19.1%. Ndjekin ndërtimi, manifaktura me rreth 10% secili, e më pas pasuritë e paluajtshme e në fund arti dhe argëtimi me 2.6% rënie.
Sa i përket ndihmës së qeverisë për të rimëkëmbur ekonominë e goditur rëndë nga kriza, Shqipëria renditet e treta nga fundi në rajonin e Europës juglindore, dhe e parafundit në Ballkanin Perëndimor. Me një normë në 2.8% incentiva të qeverisë në raport me Prodhimin e Brendshëm Bruto, më keq se Shqipëria është vetëm Kosova dhe Moldavia ndër 11 shtetet e analizuara në raport. Si referencë për të kuptuar ndryshimin, merret Gjermania, ku incentivat ngjiten në 28.5% të Prodhimit të Brendshëm Bruto të vendit.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.