Impiantet e ujërave të zeza në Himarë dhe Orikum – FSHZH: Përfitojnë rreth 100 mijë banorë

Plani i veprimit për hartimin e studimit të fizibilitetit për vënien në punë të impiantit të ujërave të ndotur në Orikum ndërtimi i të cilit ka përfunduar që në vitin 2015 është gati.

Sipas Fondit Shqiptar të Zhvillimi, i cili është edhe zbatues i projektit, studimi i fizibilitetit pritet të përfundojë në shkurt të vitit të ardhshëm dhe do t’i bashkohet studimit të përfunduar për Himarën që parashikon zgjidhjen përfundimtare për trajtimin e ujërave të ndotur dhe furnizimin me ujë.

“Me përfundimin e studimeve të fizibilitetit i hapet rruga nënshkrimit gjatë vitit të ardhshëm të marrëveshjes së financimit mes dy qeverive për zbatimin e projekteve”, deklaron FSHZH.

Nga këto projekte që do të zbatohen në zonën e Orikumit dhe Himarës pritet të përfitojnë rreth 100 000 banorë.

Sa i takon investimeve në Himarë dhe Vlorë, sipas FSHZH-së janë parashikuar të kryhen në harkun kohor të 5-viteve përmes programit ‘Furnizimi me Ujë i Zonave Rurale IV.’

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.