Importi i mjeteve rrugore nga jashtë/ DPSHTRR: Verifikoni a përmbushin kategorinë mjedisore!
DPSHTRR njofton se nëse mjeti që ju do të importoni nga jashtë nuk përmbush kategorinë e duhur mjedisore, ju nuk lejoheni ta importoni në Shqipëri apo ta regjistroni atë.
Sipas informacionit mjetet që do të lejohen të importohen/regjistrohen?
- EURO 5 e sipër:
Autoveturat e reja me 0 km dhe që nuk janë regjistruar më parë për qarkullim në asnjë shtet tjetër;
Mjetet motorike të tjera të reja si: Autobusë dhe Automjete për Transport të Përzier (ATP, ATV, APV) të kategorive M2 dhe N1, me 0 km dhe që nuk janë regjistruar më parë për qarkullim në asnjë shtet tjetër.
- EURO 4 e sipër:
Autoveturat e përdorura, të gjitha ato që nuk janë me 0 km dhe që janë regjistruar më parë për qarkullim në rrugë në një shtet tjetër.
- EURO 3 e sipër dhe me moshë jo më shumë se 15 vjet:
Mjetet motorike të tjera të përdorura si: Autobusë dhe Automjete për Transport të Përzier (ATP, ATV, APV) të kategorive M2 dhe N1, të gjitha ato që nuk janë me 0 km dhe që janë regjistruar për qarkullim në rrugë në një shtet tjetër më parë, të cilat përmbushin normën EURO 3 dhe duhet të jenë prodhuar jo më shumë se 15 vjet para datës së regjistrimit të parë në Shqipëri!
DPSHTRR thekson se me datë regjistrimi nënkuptohet targimin i mjeteve, verifikimi i moshës së mjetit dhe mjetet e kësaj kategorie duhet të jenë jo mbi 15 vjet nga data e prodhimit.
Shembull: Afati i fundit për regjistrimin dhe targimin e mjeteve me vit prodhimi 2007, është 31 Dhjetori 2022!
Sipas informacionit për mjetet historike Retro duhet paraprakisht të mirë informoheni në webin: www.retro.al dhe verifikoni online kategorinë mjedisore në webin: www.dpshtrr.gov.al.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.