Incenerimi i mbetjeve, Çuçi: Po ecim sipas direktivave të BE, jo më shumë se 10% landfillim
Incenerimi i mbetjeve është djegie për të përfituar energji të rinovueshme dhe nuk duhet të abuzohet përmes termave të ndryshme nga skeptikët.
Kështu ka deklaruar në një intervistë për televizionin Scan zëvendësministrja e Turizmit dhe Mjedisit Ornela ÇUÇ. Sipas zëvendësministres qeveria shqiptare ka gjetur mënyrën për valorizimin e mbetjeve duke u mbështetur në direktivën europiane ku në të gjithë Europën nuk duhet të landfillohen më shumë se 10% e mbetjeve dhe të incenerohen deri në 25%.
Çuçi iu përgjigj edhe akuzave që janë hedhur mbi mungesën e informacionit për llojin e inceneratorëve që po ndërtohen në Shqipëri
“Nuk mendojë se ndonjë nga inceneratorët ka mbyllur dyert e veta për të vajtur për ti parë. Kushdo mund të shkojë ti kontrollojë”.
Sipas zëvendësministres edhe vende të tjera si Gjermania, Zvicra apo Danimarka nuk kanë ladfillim.
Por në fakt sipas ambjentalistëve kjo është një përmbysje e hierarkisë së menaxhimit të mbetjeve dhe në Evropë vetëm 1.2% e mbetjeve shkojnë për incenerim.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.