Incentiva për investimet e huaja – Zv/ministrja e Ekonomisë: Pas krijimit të zonave të lira ekonomike
Qeveria është duke punuar për krijimin e zonave të lira ekonomike, hap që do të pasohet me aplikimin e lehtësive fiskale për investitorët e huaj. Deklarata është bërë nga zv/ministrja e Ekonomisë dhe Financave, Albana Shkurta, gjatë Forumit Ekonomik Frankofon, ku merrnin pjesë 50 sipërmarrës ekonomikë të rajonit të Lionit, të interesuar për zhvillimin e shkëmbimeve ekonomike me ndërmarrje shqiptare dhe të rajonit të Ballkanit.
I pranishëm në aktivitet ishte edhe ministri për Evropën dhe Punët e Jashtme, Ditmir Bushati, i cili teksa ftoi sipërmarrësit francezë të investojnë në Shqipëri, tha se qeveria shqiptare po ndërmerr një sërë reformash që ndikojnë edhe te biznesi.
Forumi u përshëndet edhe nga ambasadorja e Francës në Shqipëri, e cila tha se ky aktivitet do të pasohet edhe nga të tjerë, me qëllim rritjen e investimeve franceze në vendin tonë.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.