“Indeksi rajonal i qeverisjes së hapur” – “Mjaft” prezanton raportin: Shqipëria, pozicion më të mirë se në 2017-ën

Prezenca fiktive në komisionet paralmentare, mungesa e gjithpërfshirjes gjatë diskutimeve të buxhetit, mungesa e transparencës per  të ardhurat e deputeteve  si edhe mos publikimin e kontratave të prokurimeve publike, janë disa nga shqetësimet e ngritura nga lëvizja “Mjaft” për Kuvendin e Shqipërisë.

Gjatë prezantimit të raporteve, bazuar në një monitorim një vjeçar, drejtuesi i kësaj lëvizjeje, Aldo Merkoçi, theksoi se shqetësimi kryesor mbetet moszbatimi i rregullores nga ana e Kuvendit  gjë e cila  shoqërohet dhe më një dëm ekonomik.

Merkoçi shtoi se pavarësisht këtyre shqetësimeve, Shqipëria këtë vit pozicionohet më lart se në 2017-ën lidhur me hapjen institucionale, nga 60% në 74%, kjo e matur në 1200 indikatorë  të cilët e radhisin vendin tonë të dytin nga vendet e rajonit, pas Malit të Zi.

Ky është viti i dytë që realizohen këto raporte ku janë marrë në studim 6 vende të rajonit, një kërkim i bazuar në mbi 1 mijë indikatorë, me synim  rritjen e cilësisë së punës së  administratës publike dhe mirëqeverisjes.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.