India, rekord famëkeq të Covid-19. Mbi 152 mijë raste në ditë. 1 në 6 të infektuar në botë janë indianë

Rastet e reja me Covid-19 në Indi u rritën në një nivel rekord prej 152,879 ditën e Diel, ndërkohë që vendi po lufton me një valë të dytë të virusit dhe po bën thirrje për vaksinim më të shpejtë.  India po drejton botën me shifrat mesatare ditore të infeksioneve të reja, duke zënë 1 në 6 infeksione të raportuara në botë çdo ditë.  Rastet ditore kanë thyer rekord 6 herë këtë javë, sipas të dhënave nga ministria e shëndetësisë.Vdekjet janë rritur gjithashtu, në 839 sipas ministrisë, që është shifra më e lartë në 5 muaj.  Numri total i Indisë në mbi 13.3 milionë raste është i treti më i madh në botë, pas Brazilit dhe Shteteve të Bashkuara.

Kryeministri Nardendra Modi, nisi një “Festival të Vaksinimit” 4 ditorë ditën e Diel, për të nxitu më shumë indianë për të marrë vaksinën.  Vendi ka administruar mbi 100 milionë doza që prej mesit të Janarit, që është shifra më e lartë pas SHBA dhe Kinës. Megjithatë, shumë shtete indiane janë ankuar për një mungesë të vaksinës, pavarësisht imunizimi është kufizuar aktualisht vetëm tek 400 milionë banorë nga 1.35 miliardë që është popullsia indiane.  Shteti perëndimor Maharashtra, ku ndodhet kryeqyteti financiar Mumbai dhe ka numrin më të lartë të rasteve, deklaroi se do vendosë masa shtesë të karantinës.  Autoritetet e kanë fajësuar rikthimin e virusit tek turmat e njerëzve që nuk veshin maska, ndërkohë që fushatat gjigante zgjedhore dhe mbledhjet fetare kanë vazhduar në javët e fundit.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.