Industria e çajit, në vështirësi / Pandemia dhe thatësira godasin prodhimin në Indi

Ndikimi i pandemisë së koronavirusit dhe periudha e tejzgjatur e reshjeve të pamjaftueshme ka sjellë efekt të madh tek rajoni më i madh i rritjes së çajit në Assam, Indi, duke shkaktuar humbje në industrinë e prodhimit të çajit dhe reduktuara ndjeshëm të ardhurat e fermerëve lokalë.  Në Indinë VeriLindore, prodhimi i çajit në Assam, është reduktuar me rreth 40% nga Janari në Maj të këtij viti, krahasuar me të njëjtën periudhë në 2019-n, sipas Shoqatës Veri Lindore të Çajit, me një humbje prej 60 milionë kilogram. Reshjet mesatare në rajon në 5 muajt e para të vitit ishin sa 1/3 e viti të kaluar, sipas Prabhat Kamal, kryetarit të Bordit Indian të Çajit, një agjenci shtetërore. “Ky vit ka nisur shumë keq. Kemi pasur një thatësirë të paprecedentë në 5 muajt e para të vitit”- tha ai.  Ndërkohë, përhapja e virusit në Indi ka vënë në dukje mungesën e madhe të forcës punëtore, me manaxherët lokalë të plantacioneve të çajit që thonë se shumë punëtorë nuk janë më të gatshëm të punojnë prej shqetësimeve të virusit.  Çështja e transportimit të sigurtë të produkteve të çajit përbën një tjetër problem për industrinë, në krizën epidemike.  Karantina e lajmëruar në fund të muajit Mars ka sjellë një ndalesë të gjerë të transportit, duke e lënë biznesin në vështirësi për të dërguar mallrat. Assam vlerësohet se ka rreth 850 plantacione të çajit, që mbulon jetesën e mbi 600,000 punonjësve.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.