Industria gjermane, përtej pritshmërive – Porositë industriale rriten më shumë nga sa pritej në muajin tetor!

Porositë industriale gjermane u rritën më shumë sesa pritej në muajin tetor, duke rritur shpresat se sektori i prodhimit në ekonominë më të madhe të Evropës filloi tremujorin e katërt në një bazë të forte, edhe pse gjatë një vale të dytë të pandemisë COVID -19. Zyrat Federale të Statistikave thanë që porositë për mallrat industriale u rritën me 2.9% në terma të rregulluar sezonalisht, duke shënuar rritjen e gjashtë me radhë dhe duke mundur parashikimin e konsensusit të Reuters për një rritje prej 1.5%. Shifra e shtatorit u rishikua deri në një rritje prej 1.1%.

“Industria po ecën mirë përsëri, dobësia ekonomike që rezulton nga pandemia është pak a shumë rezultat i sektorit të shërbimeve dhe kjo nuk do të ndryshojë së shpejti. Kjo është një dhuratë e hershme e Krishtlindjes, tha Thomas Gitzel, kryekonomist në VP Bank. “Për sa kohë që sektori i shërbimeve po vuan nën masa kufizuese, është më e rëndësishme që industria të sigurojë një efekt kompensimi.

Gjermania vendosi një bllokim në fillim të muajit të kaluar për të përmbysur valën e dytë të koronavirusit ku infeksionet dhe vdekjet po rriteshin ndjeshëm. Masat kufizuese që përfshijnë mbajtjen e mbyllur të restoranteve, hoteleve, studiove të fitnesit dhe vendeve të tjera të kohës së lirë, si dhe kufizimi i mbledhjeve private në pesë persona nga dy familje do të zgjaten deri më 10 janar.

Një ndarje e të dhënave tregoi se kërkesa për kapital dhe mallra të ndërmjetëm ishte rritur ndërsa kërkesa për mallra të konsumit ishte tkurrur. Gjermania ka miratuar  një paketë ndihme për ekonominë që përfshin linjat jetësore financiare për bizneset e prekura nga bllokimet, stimujt për firmat për të mbajtur punëtorët në listën e pagave dhe një zgjatje deri në qershorin e ardhshëm të masave për të mbrojtur siguruesit e kreditit nga pamundësia për të paguar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.