Infeksionet e larta, hapet Covid 3 – Manastirliu: Janë mbushur dy spitale, e vetmja zgjidhje maska, s’ka më normalitet
Nga foltorja e Kuvendit, Ministrja e Shëndetësisë Ogerta Manastirliu përsëriti alarmin se rastet e shtuara me Covid 19, kanë mbushur dy spitale të vëna në dispozicion për këtë qëllim dhe se Qeveria shumë shpejt do të hapë të tretin. Por sipas saj, hapja e spitaleve të reja nuk është aspak zgjidhja e duhur për përballjen me pandeminë. Zgjidhja e vetme është vënia e maskave mbrojtëse nga të gjithë qytetarët dhe heqja dorë nga normaliteti I vjetër në emër të sigurisë personale e të të tjerëve.
Ministrja Manastirliu i bëri deklaratat në Kuvend gjatë shqyrtimit të disa ndryshimeve në Aktin Normativ të muajit mars Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga COVID-19.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.