Infektoi me dashje 22 persona me Covid në vendin e tij të punës- Policia spanjolle arreston 40 vjeçarin
Një burrë u arrestua në një qytet të Mallorca pasi dyshohet se kishte infektuar 22 persona me COVID-19, ka thënë policia spanjolle. Burri 40-vjeçar “vazhdoi me jetën e tij normale” pavarësisht se kishte simptoma të koronavirusit dhe kishte bërë një test PCR.
Kolegët i thanë policisë se ai erdhi në punë me ethe dhe temperaturë prej 40 gradë Celsius. Në vendin e tij të punës ai kollitej me të madhe, uli maskën dhe u tha njerëzve se do t’u jepte të gjithëve koronavirusin, shtoi policia në një deklaratë të lëshuar të Shtunën.
Policia tha se ai infektoi tetë persona drejtpërdrejt dhe 14 njerëz indirekt duke përfshirë vendin e tij të punës dhe palestrën në qytetin Balearik. Tre nga personat e infektuar ishin foshnje vetëm një vjeç.
Policia filloi hetimet “në fund të janarit kur agjentët mësuan për ekzistencën e një shpërthimi COVID-19 në një institucion të njohur në Manacor”, tha policia spanjolle.
Pesë nga bashkëpunëtorët e burrit përfundimisht dolën pozitivë për virusin dhe infektuan anëtarët e tjerë të familjes. Tre persona në palestrën e tij rezultuan pozitivisht dhe infektuan anëtarët e familjes së tyre. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.