Inflacioni në Mbretërinë e Bashkuar – Kalon përsëri objektivin. Rënia e paundit pritet ta përkeqësojë

Inflacioni në Mbretërinë e Bashkuar kaloi papritmas objektivin prej 2% të Bankës së Anglisë, duke rritur koston e jetesës përpara se rënia e fundit e paundit të ndikonte te çmimet e konsumit.   Inflacioni u rrit me 2.1% në Korrik, pas një rritjeje me 2% në Qershor, sipas të dhënave të zyrës së Statistikave në Londër.

Më herët gjatë muajit, Banka e Anglisë projektoi se inflacioni do  të bie në 1.6% në tremujorin e fundit të këtij vitit, prej rënies së çmimeve të naftës dhe faturave të energjisë që do të limitohen nga Qeveria.    Ky projeksion erdhi pavarësisht rënies së vazhdueshme të paundit që kur Boris Johnson erdhi në pushtet dhe premtoi Brexit me çdo kusht.

Inflacioni u rrit  ndjeshëm në Qershor të 2016-ës kur paundi ra me më shumë se 10%.   Zyra e Statistikave bëri të ditur se është shumë herët për të lidhur rënien e paundit me rritjen e inflacionit në muajin Korrik.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.