Inflacioni sfidon Bankën e Anglisë – Nuk ndryshon në qershor, pritet të pengojë tkurrjen monetare

Inflacioni në Britani ka mbetur i pandryshuar në muajin Qershor, duke penguar përsëri Bankën e Anglisë për të rritur normën bazë të interesit, që pritet gjerësisht në Gusht.

Pavarësisht çmimit të karburanteve që arritën nivelin më të lartë që prej Shtatorit 2014, indeksi i çmimeve të konsumit mbeti i pandryshuar në 2.4% për Qershorin. Kjo shifër dështoi të arrijë projeksionet e analistëve, për një rritje me 2.6%.

Ekonomia e Britanisë ka rifituar vrull pas nisjes së ngadaltë në filim të vitit, ku moti i pazakontë ndikoi kërkesën.  Inflacioni bazë, që heq ndikimin e energjisë dhe ushqimeve, ra në 1.9% nga 2.1% që ishte në Maj, shumë poshtë projeksioneve të analistëve. Zyra e statistikave në Londër raportoi rënien më të madhe mujore në çmimet e veshjeve që prej vitit 2012, ndërkohë që shitësit me pakicë kanë ulur çmimet për sezonin e Verës.

Më herët gjatë javës, zyra e Statistikave publikoi të dhënat për pagat e punonjësve britanikë, që patën rritjen më të ngadaltë në 6 muaj, pavarësisht punësimit në nivel rekord.  Kjo është një tjetër provë që pritet të ndalojë Bankën e Anglisë në tkurrjen monetare.

Prodhuesit kanë rritur çmimet me 3.1% në Qershor, krahasuar me 3% në Maj.  Kosto e lëndëve të para, ku shumica vijnë nga importet,  u rrit me 10.2% me bazë vjetore në Qershor.  Zyra e Statistikave publikoi gjithashtu të dhënat mbi çmimet e shtëpive, që patën rritje me 3% në Maj në të gjithë Mbretërinë e Bashkuar, niveli më i dobët që prej Prillit 2013.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.