Ingrid Shuli në ‘Argument’: ”Politika duhet të jetë më miqësore me biznesin- Duhen mbështetur sipërmarrësit e rinj”
Akademikja, Ingrid Shuli ishte e ftuar në ‘Argument’, të hënën në mbrëmje, për të diskutuar rreth krizës politike sipas akademikëve. Përsa i përket ndikimit që ka kjo krizë politike tek ekonomia, ajo thekson se kjo gjendje nuk është duke sjellë efekte pozitive.
‘’ Po të shohim nivelin e të ardhurave dhe shpenzimeve, në aspektin konsumator, ekonomia nuk duket në rritje po përkundrazi. Politikat fiskale, do të ishin një zgjidhje e cila mund të sjelli zhvillim, më shumë mirëqenie por dhe më shumë punësim. ‘’
Sipas Shulit, problemet administrative në realizimin e investimeve të huaja, janë faktori kyc.
”Duhet të fokusohemi tek nxitja e biznesit dhe mos e goditur atë, por duke e mbështetur. Politika duhet të jetë më miqësore me biznesin, madje një zgjidhje shumë e mirë, do të ishte mbështetja e sipërmarrësve të rinj, duke mos i taksuar ata për 5 vitet e para të biznesit të tyre.”
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.