INSTAT: Në janar 2017 në Shqipëri hynë rreth 463 mijë persona, u shtuan vizitat e të huajve për qëllime biznesi
Numri i shtetasve shqiptarë dhe të huaj të hyrë në territorin shqiptar, në muajin Janar 2017 është 462 mijë e 812 persona. Krahasuar me Janar 2016, ky tregues rezulton me rritje 0,5 %. Nga 462 mijë e 812 persona, rezulton se 172 mijë e 757 prej tyre janë shtetas të huaj.
Krahasuar me Janarin e vitit 2016, numri i shtetasve të huaj ka shënuar ulje me 0,4 %.
Shtetasit shqiptarë dhe të huaj të dalë nga vendi gjatë muajit Janar 2017 janë 558 mijë e 109 persona, duke shënuar një ulje me 4,0 %, krahasuar me të njëjtën periudhë të një viti më parë.
Numri i shtetasve shqiptarë të dalë nga territori i Shqipërisë gjatë muajit janar 2017 është 371 mijë e 41 persona. Krahasuar me Janar 2016 ky numër është ulur 1,3 %.
Referuar publikimit të INSTAT, numri i vizitorëve të huaj, të hyrë në Shqipëri për qëllime pushimi dhe vizita ditore në muajin janar 2017, rezulton 30 mijë e 374, ndërsa në Janar 2016 ky numër ishte 15 mijë e 714.
Në Shqipëri, numri i shtetasve të huaj që kanë hyrë për qëllime personale në Janar 2017 është 169 mijë e 822 dhe përbëjnë 95 % të numrit gjithsej të hyrjeve të shtetasve të huaj. Krahasuar me Janar 2016, numri i shtetasve të huaj për qëllime personale është ulur 0,7 %.
Numri i shtetasve të huaj të hyrë në Shqipëri për qëllime biznesi përbën 0.5 % të hyrjeve të shtetasve të huaj, duke shënuar rritje me 14,3 %.
Hyrjet e shtetasve të huaj, në rrugë tokësore zënë peshën më të madhe të me 75,9 %, ndërsa hyrjet në rrugë ajrore dhe detare zënë respektivisht 19,3 % dhe 4,8 %.
Numri më i madh i hyrjeve të shtetasve të huaj në vendin tonë, në muajin Janar, rezulton nga Kosova me 33,3 %, pasuar nga hyrjet e shtetasve të huaj nga Maqedonia me 14,6 %, Greqia me 13,6 %, Mali i Zi me 12,0 %, etj.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.