Integrimi i komunitetit rom – Prezantohet programi i përbashkët “ROMACTED” që do të mbulojë 50 bashki
Është prezantuar sot në Tiranë fillimi i programi i përbashkët të Bashkimit Europian dhe Këshillit të Europës “ROMACTED: Promovimi i Qeverisjes së Mirë dhe Fuqizimit të Komunitetit rom në Nivel Vendor”.
Ky program do të mbulojë 50 bashki të cilat përfshijnë 7 vende të Ballkanit Perëndimor dhe Turqinë.
Programi ROMACTED, i cili financohet nga Bashkimi Europian ka për qëllim ndërtimin e vullnetit politik, përmirësimin e qeverisjes demokratike vendore si dhe fuqizimin e komuniteteve rome.
Sylvain Gambert, zëvendës shef i Sektorit Politik, Ekonomik dhe të Informacionit të Delegacionit të BE-së në Shqipëri, vuri theksin te rëndësia e integrimit të komunitetit Rom, si një nga 5 prioritetet kryesore, atë të drejtave të njeriut, që duhen përmbushur për hapjen e negociatave të anëtarësimit në BE.
Në kuadër të zbatimit të programit ROMACTED, ministrja e Shëndetësisë dhe Mbrojtjes Sociale Ogerta Manastirliu ka nënshkruar memorandume të mirëkuptimit me Claus Neukirch, Shef i Zyrës së Këshillit të Europës si dhe kryetarët e shtatë bashkive shqiptare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.