Integrimi në BE, Ruçi në Gjenevë, të angazhuar për zbatimin e reformës në drejtësi

Kryetari i Kuvendit Gramoz Ruçi ka mbajtur një fjalë në Forumin Rajonal për Zhvillimin e Qëndrueshëm që po zhvillohet në Gjenevë.

Ruçi nënvizoi se Shqipëria vlerëson nismat e Kombeve të Bashkuara që do të ndihmojnë për të vendosur axhendën e punës së përbashkët për integrimin në Bashkimin Europian, në kontestin global të zhvillimit të qëndrueshëm.

Kryetari i Kuvendit në fjalën e tij u ndal edhe tek reformat e miratuara.

“Gjithashtu, reformat e ndërmarra nga Parlamenti dhe Qeveria shqiptare si: reforma e administratës publike, në shëndetësi, miratimi i ligjit për mbrojtjen e pakicave kombëtare ne RSH etj., synojnë të na sjellin gjithnjë e më afër integrimit në BE, si dhe plotësojnë në të njëjtën kohë angazhimet që burojnë nga Axhenda 2030, dy axhenda që janë plotësuese dhe në sinkron me njëra- tjetrën”.

Gjatë qëndrimit në Gjenevë, Kryetari i Kuvendit do të zhvillojë disa takime me përfaqësues të lartë të Organizatës së Kombeve të Bashkuara.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.