Interesi i sipërmarrjeve të huaja – Bizneset turke “sytë” nga Shqipëria për të investuar
Shqipëria tashmë është futur në agjendën e sipërmarrësve të huaj si një mundësi për të investuar. Dhoma e Tregtisë dhe Industrisë, Tiranë, në bashkëpunim me MÜSIAD Ballkan, Turqi, organizuan forumin e biznesit “Mundësitë e Biznesit në Shqipëri”.
Nënkryetar i Dhomës së Tregtisë së Tiranës, Arben Shkodra, u shpreh, se tashmë klima e biznesit është përmirësuar dhe së vendi ynë po shihet si një treg më i madh, ose siç njihet “tregu shqipfolës” që përfshin edhe vendet e rajonit.
“Ka interes të zgjeruar. Turqia prej disa kohësh është partneri kryesor strategjik i shkëmbimit tregtar me Shqipërinë, ka interes në fushën e energjisë, ka interes dhe te bujqësisë, ka interes edhe në fushën e shërbimeve. Kompanitë turke po e shohin me shumë interes Ballkanin në përgjithësi, tashmë po shohin me shumë interes edhe pjesën e Shqipërisë”.
Në këtë aktivitet morën pjesë rreth 40 sipërmarrës nga të dy vendet. Interesi kryesor është në fushën e industrisë, energjetikes dhe bujqësisë.
Tashmë në tregun shqiptar operojnë shumë kompani të njohura turke, të cilat japin një kontribut të madh në sektorë të ndryshëm të ekonomisë shqiptare.
Violeta Shqalsi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.