Investim i qeverisë dhe delegacionit të BE/ Policisë së Shtetit i shtohen 196 mjete të reja, Lleshaj: “Rrisim eficencën”

Një investim i qeverisë shqiptare së bashku me Delegacionin e Bashkimit Evropian në Shqipëri, i ka shtuar Policisë së Shtetit 196 furgona dhe fuoristrada të reja në flotën e saj.

Ky investim strategjik sipas kryeministrit Rama do të rrisë kapacitetet e Policisë për të qëndruar në lartësinë e pritshmërive qytetarëve ndaj saj, ndërkohë që flota e vjetër paraqitej qesharake sipas tij.

Këto automjete të reja do t’u shpërndahen Komisariateve që kanë më tepër nevojë. Vihet re një ndryshim në pamjen e automjeteve, ato nuk janë më vetëm blu por të bardha me blu, njëlloj si makinat e vogla që janë në përdorim.

Viteve të fundit janë ndërmarrë disa reforma të rëndësishme në Policinë e Shtetit, ndërkohë që ministri Lleshaj është shprehur se flota e re do të rrisë eficencën në punën e uniformave blu.

I pranishëm në ceremoninë e prezantimit të kësaj flote ishte edhe ambasadori Luigi Soreca, i cili u shpreh se BE do të mbetet donatori kryesor i Shqipërisë:

“Ky kontribut i përbashkët financiar ku padiskutim kontributi i BE është një pjesë e konsiderueshme përveç kontributit të qeverisë. Flota motorike e policisë së shtetit ishte qesharake. Sot ne i japim punonjësve të policisë një fuqi të re motorike dhe sidomos forcave speciale. Një flotë të tërë mjetesh që do të mundësojnë kushte optimale operacioneve. Nuk mbaron këtu. Ne duam të shkojmë më tutje me rritjen e kapaciteteve teknologjike, dixhitale, me futjen e mjeteve të sofistikuara dhe me dronat e fjalës së fundit”, tha Rama në fjalën e tij të shkurtër.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.