Investime e mbështetje financiare – Harta e plotë, kush janë 100 fshatrat përfituese
100 fshatra në të gjithë vendin do të përfitojnë ndërhyrje rrënjësore në infrastrukturë dhe mbështetje financiare për bizneset. TV SCAN ka siguruar hartën e plotë me 100 fshatrat , të miratuar nga qeveria, ku duket se numri i fshatrave përfitues është në përputhje edhe me madhësinë e bashkive.
Duke filluar nga veriu, përfitojnë fshatra si Lëpusha, Razma, Valbona, Drishti, Mjeda, Fishta, Qelëz, Kryezi, Shishtavec, etj. Në Tiranë janë përzgjedhur pesë fshatra, konkretisht Shesh, Pezë, Pëllumbas, Laknas, Shëndgjergj. Po ashtu, një numër i konsiderueshëm janë përzgjedhur edhe në jug të vendit, si Mursi, Mesopotam, Çukë, Sotire, Nepravishtë, Lukovë, Dhoskat, Lazarat, etj.
Programi i Integruar për Zhvillimin Rural do të programojë ndërhyrjet me investime të integruara në zonat e përcaktuara nëpërmjet 3 objektivave kryesore. Konkretisht, përmirësimi i infrastrukturës publike; Zhvillimi ekonomik nëpërmjet diversifikimit të aktiviteteve ekonomike, si përmirësimi i potencialit turistik në hapësirat rurale, agroturizëm dhe turizëm rural, investimet në përmirësimin e shërbimeve tregtare, investime në prodhimin e produkteve tradicionale dhe shërbime të tjera ekonomiko-financiare etj; Zhvillimi i kapitalit social dhe njerëzor.
Programi i 100 fshatrave, do të zbatohet në periudhën 2018-2020.
Elisabeta Dosku/SCAN
Zbardhen detajet e projektit “100 fshatrat”! Investime, 600 vende pune të reja, mbështetje për 27 sipërmarrje, 150 bujtina, markata e dyqane
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.