Investime në blloqe banimi, Veliaj: Këtë vit rehabilitojmë 50 blloqe të tjera
Brenda vitit 50 blloqe banimi në kryeqytet pritet t’i nënshtrohen një rehabilitimi të plotë nga ana e Bashkisë së Tiranës, duke u shndërruar në hapësira çlodhëse dhe me gjelbërim për qytetarët.
Kryebashkiaku Erion Veliaj ka inspektuar përfundimin e dy blloqeve “Dhimitër Kamarda” dhe “Kristaq Cipo” në lagjen “Ali Demi”, ku hapësira ekzistuese është transformuar tërësisht, duke ofruar mjedise sportive, kënde lojërash për fëmijë, etj.
Kryebashkiaku Veliaj u bëri apel qytetarëve që t’i ruajnë këto investime në mënyrë që t’i rezistojnë kohës.
Ndërhyrja në këto dy blloqe, përveç lirimit të hapësirave të zëna pa leje, ka të bëjë edhe me ndërtimin e rrjetit të ri të kanalizimeve të ujërave të bardha, bordurave, trotuareve, pajisjen e rrugëve me ndriçim si dhe me gjithë sinjalistikën e nevojshme rrugore.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.