Investime në zonat e mbrojtura – Driloni dhe Prespa, më shumë shërbime për turistët

Këtë sezon veror turistëve të Drilonit do t’i vijë në ndihmë një Qendër Vizitorësh.  Kjo është bërë e mundur falë një marrëveshje AKZM-se Korçë  me një Shoqatë Jofitimprurëse.

Qendra me  sipërfaqe prej 32 metra katror, do të jetë në funksion të turistëve dhe vizitorëve mjedisor duke ofruar informacion, guida turistike, fletëpalosje dhe  broshura.

Turistëve vendas dhe të huaj do ju sigurohet një informacioni nevojshme, këshilla dhe orientime turistike për qytetin e Pogradecit dhe më gjerë. Gjatë vitit të kaluar Liqeni i Pogradecit numëroi rreth 360 mijë turistë një pjesë e mirë e të cilëve kanë qenë dhe vizitorë të Monumentit të Natyrës, Drilon.

Në kuadër të Ditës Ndërkombëtare të Mjedisit, 5 qershor në Qendrën e Vizitorëve të Prespës, çelet  faza e  dytë e Projektit “Rezervati Ndërkufitar i Biosferës Prespë”. Projektit financohet nga  Institutit për Mbrojtjen e Natyrës, INCA-s Ministria e Mjedisit dhe  Banka për Zhvillim.

Në qendër të këtij projekti janë investimet e mëtejshme në Parkun Kombëtar të Prespës  në përfitim të popullsisë lokale, të diversitetit biologjik dhe një mbështetje fillestare për zhvillimin e Rezervës së re të Biosferës të miratuar nga UNESCO.

Qëllimi i Projektit është që të reduktojë shfrytëzimin mbi burimet natyrore dhe në përmirësimin e kushteve të jetesës të popullsisë në Parkun Kombëtar të Prespës.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.