Investimet e bashkisë – Ndërtohet këndi i 14 i lojërave në Tiranë
Bashkia e Tiranës ka nisur ndërtimin e një tjetër këndi lojërash, investim i cili përfshin module të ndryshme lojërash, ndriçim dhe gjelbërim të zonës.
Ky shesh do të shërbejë jo vetëm për argëtimin e fëmijëve, por edhe si një hapësirë çlodhëse për të gjitha grupmoshat.
Kryetari i Bashkisë së Tiranës, Erion Veliaj, tha se kjo është edhe një nga zonat ku investimi ka më shumë duk sepse njerëzit janë më të kujdesshëm, paguajnë taksat, paguajnë faturat dhe detyrimet e tjera”.
Ai deklaroi se krahas këtyre investimeve, Bashkia do të vijojë punën edhe për realizimin e projekteve madhore, të cilat do të përmirësojnë ndjeshëm jo vetëm infrastrukturën, por edhe shërbimin ndaj qytetarëve.
Ky është këndi i 14 i lojërave i ndërtuar nga Bashkia e Tiranës dhe ndodhet në njësinë bashkiake nr 5.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.