Investimet e huaja direkte – Kina thith më pak, por në tre muaj arrijnë në 41,6 mld USD
Investimet e huaja direkte në Kinë ranë me 0.1% në 41.6 miliardë dollarë në tremujorin e parë 2017, nga e njëjta periudhë një vit më parë, raporton Ministria e Tregtisë. Investimet e huaja drejt Kinës janë ngadalësuar në Prill, në rënie me 4.3% me bazë vjetore, krahasuar me 6.7% rritje në Mars.
Qeveria kineze ka premtuar masa të reja për të hapur më tej ekonominë ndaj investitorëve të huaj këtë vit, përfshirë këtu lehtësimin e limiteve në investimet në banka dhe institucionet e tjera financiare.
Investimet e huaja drejt Kinës u rritën me 4.1% vitin e kaluar, megjithatë kjo normë ishte më e ulët se investimet e Kinës jashtë vendit, ndërkohë që flukset dalëse të kapitalit sollën presione për Qeverinë që të mbështesë valutën vendase.
Investimet të drejtuara jashtë vendit kanë rënë ndjeshëm këtë vit për shkak të kontrolleve strikte për fondet që dalin nga vendi. Investimet direkte jashtë vendit drejt sektorit jo-financiar ranë me 71% nga e njëjta periudhë një vit më parë, tregojnë të dhënat zyrtare.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.