Investimet e huaja – Krstiç: Shqipëria, kushte të favorshme dhe taksa të ulta
Shqipëria është një ndër vendet e preferuara për të bërë biznes për sipërmarrësit e huaj . Në një intervistë për televizionin SCAN investitori nga Serbia , Milan Krstiç shprehet optimist për kushtet që ofron vendi ynë, ai thekson se do të zgjeroj biznesin e tij pasi taksat në Shqipëri janë të ulta .
“Unë prej disa vitesh jam në Shqipëri pasi kam investuar në elektroshtëpiake këtu, në disa qytete . Jam optimist për të vijuar dhe zgjeruar akoma më shumë biznesin tim dhe kjo sepse kushtet janë të mira dhe taksat nuk janë shumë të larta krahasuar me vendet e tjera.”
Por ajo që Krstiç nënvizon është problematika me burokracitë sipas të cilit është më e theksuar se në Serbi.
“Ajo që dua të theksoj është së problematike mbetet procedura për marrjen e dokumentacionit, pasi këtu ka shumë burokraci. Në këtë pikë duhet që shteti shqiptar të bëjë më shumë.”
Shqipëria ka humbur plot 7 pozicione në renditjen më të fundit të “Doing Business”. Në raportin e këtij viti, Shqipëria ka zbritur në vendin e 65-të në renditje, ndërkohë që një vit më parë renditej e 58-ta. Vitin e kaluar, raporti bëri mjaft jehonë për vetë faktin se, Shqipëria fitonte 32 pozicione në renditje dhe nga vetë qeveria u cilësua si një arritje historike.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.