Investimet në turizëm – 336 hotele të reja për vitin 2016

Sektori privat në Shqipëri po rrit investimet në turizëm. Sipas të dhënave nga Instituti i Statistikave, në vitin 2016 numri i hoteleve u zgjerua me 36% krahasuar me një vit më parë.

E thënë në numra, në Shqipëri, vetëm për vitin 2016 janë shtuar 336 hotele, duke e çuar numrin e përgjithshëm në 1242 njësi. Rritja e numrit të hoteleve i ka rritur ndjeshëm kapacitete akomoduese të vendit.

Numri i dhomave, sipas Instat ka arritur afërsisht në 18 mijë, ndërsa numri i shtretërve më shumë se 41 mijë.

Rritja e investimeve në struktura akomoduese i përgjigjet një tendence të rritjes së numrit të turistëve. Sipas Instat, vitin e kaluar vitin tonë e vizituan mbi 5 milionë shtetas të huaj, 8% më shumë krahasuar me vitin 2016.

Në veçanti, vërehet një rritje e numrit të vizitorëve nga jashtë vendeve fqinje, çka tregon një lloj zgjerimi të hartës së turizmit hyrës.

Megjithatë, një problem për rritjen e numrit të të turistëve ngelen përmasat e vogla të njësive akomoduese në Shqipëri.

Mesatarisht, një hotel në Shqipëri ka 33 shtretër. Një përmasë e tillë e bën të vështirë tërheqjen e grupeve të mëdha, por mbi të gjitha nuk mundëson përfitime nga ekonomitë e shkallës.

Në teori, një hotel i vogël ka kosto mesatare më të larta, çka e bën më pak konkurrues në çmime.

Ersuin Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.