Investimet tek Shkëmbi i Kavajës, FSHZH publikon pamjet e ecurisë së punimeve
Fondi Shqiptar i Zhvillimit ka publikuar transformimin e zonës rezidenciale te Shkëmbi i Kavajës. Në bllokun e përfshirë nga rruga “Valë Deti” deri te rruga “Horizonti” kanë përfunduar të gjitha punimet për kanalizimet e ujrave të bardha, për infrastrukturën nëntokësore në të gjitha rrugët e brendshme, asfaltimin, sinjalistikën vertikale dhe horizontale, trotuarët, ndriçimin si dhe gjelbërimin.
Projekti ende nuk ka përfunduar, pasi aktualisht po punohet për sistemimin e Përroit të Durrësit. Ky projekt, vjen në kuadër të projekteve me impakt në zhvillimin dhe promovimin e turizmit.
Elefteria Zguri/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.